Guruhli video chaqiruvlar

Asl eʼlonni ingliz tilida oʻqish

Guruhli video chaqiruvlarni taqdim etamiz

Bugungi yangilanish sizga guruhlardagi ovozli chatlar davomida barcha qurilmalarda, jumladan, planshetlar va kompyuterlarda kamerangizni yoqish yoki ekraningizni ulashish imkonini beradi. Bu ovozli chatlarni onlayn darslar, biznes uchrashuvlari va oilaviy yigʻilishlar uchun foydalanish mumkin boʻlgan butunlay yangi darajaga olib chiqadi.

Shuningdek, animatsiyali fonlar, zamonaviy xabar animatsiyalari va boshqalarni – ikkinchi blogpostni toʻldirish uchun yetarli yangiliklarni taqdim etmoqdamiz.

Guruhli video chaqiruvlar

Ovozli chatlar endi oson guruhli video chaqiruvlarga aylanishi mumkin – videongizni yoqish uchun shunchaki kamera belgisini bosing.

Videoni butun ekranga yoyish uchun istalgan video ustiga bosing. Agar biror videoni qadasangiz, u yangi foydalanuvchilar chaqiruvga qoʻshilganida va kameralarini yoqqanida fokuslangan holatda qoladi.

Ovozli chatni boshlash uchun siz administratori hisoblangan istalgan guruh profilida ⋮ menyusini bosing (iOS qurilmasida guruh profilida “Ovozli chat” tugmasini topasiz).

Faqat ovoz ishtirokchilari cheklanmagan, video hozircha ovozli chatga qoʻshilgan birinchi 30 kishiga koʻrinadi. Bu cheklov ovozli chatlar striming oʻyinlari, jonli tadbirlar va boshqalarni qabul qilishi bilan tez orada oshiriladi.

Ekranni ulashish

Kamerangizga qoʻshimcha ravishda ekraningizni yoki har ikkalasini bir vaqtda ulashishingiz mumkin.

Ekraningizni ulashish uchun istalgan ilovada ⋮ yoki ⋯ belgisini bosing va uni menyudan tanlang.

Shovqinsizlantirish parametrlari

Biz ovozli chatlarda hatto biror qarsildoq taom tanovul qilayotganingizda ham barchaning ovozi tiniq va ravshan eshitilishi uchun shovqinsizlantirishni yaxshiladik. Shuningdek, zarur boʻlganda sozlamalarda shovqinsizlantirishni faolsizlantirish uchun almashtirish tugmasini ham qoʻshdik.

Planshet va kompyuter qoʻllab-quvvatlanishi

Biz noutbuk, kompyuter yoki planshetdagi katta ekran uchun interfeysni ham gorizontal, ham vertikal holatda qulayroq qilishga harakat qildik. Ishtirokchilar roʻyxati va videoni ajratilgan ekran holatida koʻrish uchun yon panelni kengaytirib koʻring.

Kompyuterlardagi ovozli chatlar alohida oynada ochiladi, shu sababli, hech narsani kichraytirmasdan yozish va gapirishingiz mumkin. Kompyuter ilovalari ekran ulashilishini tanlash funksiyasiga ega, shu sababli butun ekran oʻrniga alohida dasturni ulashishingiz mumkin.

Kompyuter ilovasidan foydalanayotganingizda ekranini ulashishni boshlagan istalgan foydalanuvchi videosi avtomatik qadaladi. Ayniqsa, bu kichik jamoalar oʻz ishlarini muhokama qilish uchun yigʻilishganida qoʻl keladi.